কৰম কাহিনীকাৰ, শিল্প-সাহিত্য সাধনাৰ অনন্য যাত্ৰা চাহবাগিছাৰ এগৰাকী সন্তানৰ ... সংগীত সাধনাৰ সমান্তৰালকৈ সাহিত্যৰ ক্ষেত্ৰতো সমানে পাৰদৰ্শিতা ...
কৰম কাহিনীকাৰ, শিল্প-সাহিত্য সাধনাৰ অনন্য যাত্ৰা চাহবাগিছাৰ এগৰাকী সন্তানৰ
...সংগীত সাধনাৰ সমান্তৰালকৈ সাহিত্যৰ ক্ষেত্ৰতো সমানে পাৰদৰ্শিতা দেখুৱাবলৈ সক্ষম হোৱা মংগলে বিভিন্ন কাকত আলোচনীত চুটিগল্প ,কবিতা , প্ৰবন্ধ আদি লেখা-মেলা অব্যাহত ৰাখে...
ৰমেশ চন্দ্ৰ চৰেণ
বিভিন্ন জাতি জনগোষ্ঠীৰ মিলনভুমি সাংস্কৃতিক ক্ষেত্ৰৰ অপুৰ্ব সমাহাৰ তথা সমন্বয়েৰে পুষ্ট অসমৰ ডিব্ৰুগড় জিলাৰ নামৰূপ ৷ এই নামৰূপতেই কণ্ঠশিল্পী, গীতিকাৰ, সুৰকাৰ, প্ৰযোজক, পৰিছালক ৰূপে মংগল নায়ক , কণ্ঠশিল্পী বৰ্ণালী কলিতা ,যোগেশ ফুকনৰ দৰে স্বনামধন্য শিল্পীৰ জন্ম হৈছে ৷ নামৰূপ চাহ বাগিচাত জন্ম লাভ কৰা মংগল নায়কৰ পিতৃ মহিন্দ্ৰ(চমৰা)নায়ক আৰু মাতৃ শান্তি নায়ক৷ আদিবাসী চাহ জনগোষ্ঠীসকলৰ কলা কৃষ্টি সংস্কৃতিৰ ক্ষেত্ৰত অতিকৈ চহকী, মেটমৰা ভৰাল স্বৰূপ ৷ সংস্কৃতিক জগতক ঐতিহ্যমণ্ডিত কৰি তুলিবৰ বাবে যেন মংগল নায়কৰ জন্ম হৈছিল ৷ হয় , অভাব অনাটনৰ ওচৰত কেতিয়াও হাৰ মানিব নিবিচৰা নেৰানেপেৰা প্ৰচেষ্টাৰ বলত ভবিষ্যতে শিল্পী হোৱাৰ সপোন দেখা মংগলে দিঠকলৈ পৰিণত কৰিলে ৷ পঢ়ি থকা অৱস্থাতে নামৰূপ সংগীত মহাবিদ্যালয়ত নামভৰ্তি কৰে আৰু গুৰু লক্ষ্যধৰ চৌধুৰীৰ সানিধ্যত সংগীতৰ শিক্ষা আৰম্ভ কৰে ৷নামৰূপ উচ্চ মাধ্যমিক বিদ্যালয়ৰ পৰা মংগলে প্ৰবেশিকা পৰীক্ষাত সুখ্যাতিৰে উত্তীৰ্ণ হোৱাৰ পাছত গুৱাহাটীৰ বি .বৰুৱা মহাবিদ্যালয়ত কলা শাখাত নামভৰ্তি কৰে ৷গুৱাহাটীত তেওঁ পুনৰ সংগীত গুৰু নন্দ বেনাৰ্জীৰ ওচৰত সংগীতৰ শিক্ষা গ্ৰহন কৰে ৷ সংগীতৰ লগতে শৈক্ষিক দিশতো সমানে সমানে আগবঢ়াই নিবলৈ সক্ষম হোৱা মংগল নায়কে অৰ্থনৈতিক বিজ্ঞানত স্নাতক ডিগ্ৰী লাভ কৰে ৷ ডিগ্ৰী লাভ কৰাৰ পাছত উচ্চ শিক্ষাৰ বাবে কটন কলেজিয়েটত স্নাতকোত্তৰ ডিগ্ৰীৰ বাবে নামভৰ্তি কৰে৷ ইফালে সংগীত জগতত প্ৰবেশ ঘটা মংগলে গুৱাহাটীৰ লগতে অসমৰ বিভিন্ন মঞ্চত গীত পৰিবেশন কৰি সুনাম অৰ্জন কৰিবলৈ সক্ষম হয় ৷সমসাময়িকভাৱে তেওঁ গুৱাহাটী দুৰদৰ্শন কেন্দ্ৰ , গুৱাহাটীৰ অনাতাঁৰ কেন্দ্ৰ আৰু ডিব্ৰুগড় অনাতাঁৰ কেন্দ্ৰত “চাহ শ্ৰমিকৰ আচৰ” নামৰ অনুষ্ঠানত গীত পৰিবেশন কৰে ৷ পৰ্যায়ক্ৰমে গুৱাহাটী অনাতাঁৰ কেন্দ্ৰত “চাহ শ্ৰমিকৰ আচৰ” অনুষ্ঠানটিত ৫ বছৰ ঘোষক হিচাবেও কাম কৰে ৷ ইয়াৰ উপৰিও সংগীত সাধনাৰ সমান্তৰালকৈ সাহিত্যৰ ক্ষেত্ৰতো সমানে পাৰদৰ্শিতা দেখুৱাবলৈ সক্ষম হোৱা মংগলে সাদিন বাতৰি কাকত , দৈনিক জনমভূমিৰ লগতে অসমৰ বিভিন্ন আলোচনীত চুটিগল্প ,কবিতা , প্ৰবন্ধ আদি লেখা-মেলা অব্যাহত ৰাখে ৷ লগতে “ফুল ফুলাৰ যাত্ৰা” নামৰ কবিতাৰ সংকলন এটি প্ৰকাশ কৰে ৷ আনহাতে সাদিন কাকতত “চাহ বাগিচাৰ জীৱন ”নামৰ শিতানত প্ৰায় দুবছৰ ধৰি সাংবাদিকতা কৰে ৷ চুটিগল্প লিখাৰ বাবে তেওঁক সাদিন কাকতে “গল্পকাৰ” হিচাবে স্বীকৃতি প্ৰদান কৰে ৷ তেওঁ ২০০০ চনত অসমীয়া ছবি জগতত ভুমুকি মাৰে ৷ অশোক শৰ্মাই নিৰ্মাণ কৰা “ঘৰ সংসাৰ” নামৰ ছবিখনত আইচুংফা বৰুৱাৰ লগত নায়কৰ ভুমিকাত অভিনয় কৰে ৷তাৰ পাছত দেবাৰু ওৰাংৰ “বোনাছ” , বলদেৱ নাগৰ “বাদল ঢাকা চান্দ” আদি ছবিত অভিনয় কৰে ৷পৰৱৰ্তী সময়ত তেওঁ নিজে চিনেমা নিৰ্মাণৰ পৰিকল্পনা কৰে ৷
No comments